Энэ үеэр хувийн хэвшлийг хөгжүүлэх, түүнд тулгуурласан эдийн засаг, эрх зүйн бүтцийг бий болгох зорилтыг ханган биелүүлэхийн төлөө идэвхийлэн ажиллаж, өөрийн хариуцсан чиг үүргээ амжилттай гүйцэтгэн сайн засаглалыг хэрэгжүүлэх үйлст бодитой хувь нэмэр оруулсан хэмээн Эдийн засгийн бодлого, өрсөлдөх чадварын судалгааны төвийг (Төв) “Сайн засаглалыг хэрэгжүүлэгч”-ээр шалгаруулж, хүндэт өргөмжлөлөөр шагнасан юм. МҮХАҮТ-ын Тэргүүлэгчдийн уг шийдвэрийг Төвийн хамт олон талархан хүлээн авч, улсынхаа өрсөлдөх чадварыг сайжруулах замаар нийгэм, эдийн засгийн хөгжилд түлхэц болох зорилго бүхий бидний үйл ажиллагааг өндөрөөр үнэлсэн хэрэг хэмээн үзэж байна.