ДЭЛХИЙН ӨРСӨЛДӨХ ЧАДВАРЫН ТАЙЛАН 2025: Монгол Улсын өрсөлдөх чадвар
Өрсөлдөх чадварын 2025 оны үр дүнгээр Швейцар улс тэргүүлж, Сингапур удаалж, Хонг Конг, Дани, Арабын Нэгдсэн Эмират, Тайван, Ирланд улсууд эхний байрт эрэмбэлэгджээ.
Монгол Улс өрсөлдөх чадварын үзүүлэлтээр тайланд хамрагдсан 69 улсаас 65-т эрэмбэлэгджээ. Нийт 100 оноо авахаас 40.91 оноо авсан нь өмнөх оноос 5.39 оноогоор буурч 4 эрэмбэ ухарсан үзүүлэлт юм.
2025 онд МУ-ын өрсөлдөх чадварын оноо болон эрэмбэ буурав. Үүнд Эдийн засгийн тамир тэнхээ, Засаглалын үр ашиг, Бизнесийн байгууллагуудын ашигт ажиллагаа болон Дэд бүтэц гэсэн үндсэн 4 бүлгийн оноо, эрэмбэ бүгд буурсан нь нөлөөлжээ.
Дээрх үндсэн 4 бүлгээс “Бизнесийн байгууллагын ашигт ажиллагаа” бүлэг 3.76 оноогоор буюу хамгийн ихээр буурсан байна.